樂基兒與黎明（Leon）感情穩定，對於男友開個唱，樂基兒直言會撐場支持，但堅拒同台演出。並透露男友未有為她與異性攝影師朋友「姊妹」（同志）的親密照片而動怒搬往酒店暫住，反而在家練歌給她聽，認真甜蜜。
樂基兒昨日與周麗淇一起出席《Huggies ＢＢ細運會@apm》，二人更即席為ＢＢ換紙尿片，有板有眼。對於男友Leon同日為演唱會開記招，樂基兒說︰「今（昨）日個記招係畀記者，我唔使過去。我會去捧場睇演唱會，但未知睇幾多場，佢有喺屋企練歌畀我聽。」
咀「姊妹」一早備案
今次演唱會以婚禮作主題，樂基兒不期望Leon會求婚，並謂一定不會為男友站台做嘉賓︰「我哋唔會一齊企喺同一個台，平時做嘢已經成日拉埋一齊講，再企埋一齊會好奇怪。」早前她與「姊妹」的親密照曝光，有傳Leon動怒遷酒店暫住，她澄清沒有此事︰「佢冇搬去酒店，我哋好少嗌交，佢有睇過晒啲相，咁寫係會畀人誤會，不過佢唔會覺得冇面。」
周麗淇懶理佘穎戀
同場的周麗淇對於舊緋聞男友鄭嘉穎又被拍得在私竇會佘詩曼，情傷已愈的她大方說︰「又問我，唔關我事，好out啦。（你對呢啲新聞無feel？）唔講啦，好out啦，我冇睇呢啲新聞。」不過談到湊ＢＢ的樂趣，周麗淇則表現興奮，並直言想做阿姨，至於她本人則希望結婚生仔能循序漸進，不怕意外懷孕，她說︰「我好小心好安全，萬一有咗就結婚，但唔好咁啦，我好傳統。（你有對象？）就係冇，所以依家好安全。」 文：音樂組