本文重點
譚凱琪（Zoie）昨出席M&M'S爭奪戰活動，更以朱古力豆創作多款立體變形金剛造型蛋糕，Zoie因經常主持飲食節目可偷師學烹飪，問她會否因豬流感（H1N1甲型流感）疫情減少出埠做旅遊與飲食節目？Zoie坦言因快將起程到美國而感擔心：「唔知幾時出發，但知一定要去，公司話唔使驚，就算萬一中招，公司會有獨家料搶先報道，因為我係首個藝人感染。我唔想，但有時避唔到，惟有盡量小心。」再問Zoie有否防避措施？她說沒有，反而媽咪分外緊張：「媽咪叫我放低手上工作，返屋企執屋，因為我經常將手袋同衫四圍放，佢要我保持家居清潔，做大掃除。」
關心小室
此外，對於小室哲哉惹官非獲緩刑，曾是小室徒弟的Zoie坦言戥對方開心：「同佢冇聯絡，都唔想佢有事，當年合作佢對我好好，佢係我恩師，好多謝佢栽培。」