小天后泳兒將於下月廿五日假灣仔會展舉行一場「one2free x Vincy唱泳音樂世界」音樂會，她昨日穿上低胸連身裙出席記者會，吸引數十歌迷捧場。泳兒在四名肌肉男陪同下出場，更獲剛出爐影帝張家輝以神秘嘉賓身份撐場，令泳兒又驚又喜。泳兒表示音樂會當晚會與家輝合唱，又大讚對方唱功了得，說：「搞到我都有壓力。」
想請阿嬌睇騷
泳兒透露屆時會有跳舞環節，但強調不會性感演出。她透露正積極瘦身，更輕了十磅，問她上圍有否縮水？她說：「唔介意，瘦都幾好，冇乜負擔，輕盈咗易揀衫，同埋嚟嘅人都唔係睇我身材。」泳兒又表示有意邀請鍾欣桐（阿嬌）到場欣賞音樂會，但會否邀對方上台就要依阿嬌的意願。
家輝戴超現身
家輝戴上墨鏡現身，他表示左眼剛做完放膿手術。問他是否有意重返樂壇？他說：「邊敢？幾十歲喇，專心拍戲啦。（有冇人斟過出碟？）有，Mani囉，我都話唔好啩，搞到兩邊（唱歌同拍戲）都唔討好就唔好啦。」
採訪：音樂組