鍾嘉欣（Linda）與王喜將會再度合作拍攝無綫新劇，劇中飾演模特兒的Linda，會被監製塑造成時下「港女」，Linda坦言演繹港女有難度，為了飾演一個可愛兼帶日本味的模特兒，屆時嘉欣可能會如Angelababy及傅穎般染金毛及電鬈髮。
Linda與王喜繼《珠光寶氣》後再度合作，六月初齊齊拍攝由羅永賢監製的新劇《冏探查過界》，同劇還有黃浩然、黎諾懿及梁嘉琪等，此偵探查案劇內容具備懸疑、靈異的元素。
改善言行舉止
王喜於劇中飾演偵探，而Linda則扮演「蒸生瓜」模特兒。監製坦言會將她塑造成時下的「港女」，眼角高、可愛、但又帶點「乞人憎」。記者致電Linda查問，她坦言現正於摸索階段，她說：「對我嚟講都係一個挑戰，自己喺外國返嚟，言行舉止都要改，依家自己拍緊古裝劇，都未有時間揣摩。」
Linda又謂不少同事推介她看《星期日檔案》作參考，故她已第一時間收看。她說：「裏面都係話啲OL一個星期去兩次蘭桂坊，冇乜特別。不過可能角色會有啲kawaii同日本女仔感覺，到時可能會好似Angelababy、傅穎咁，電鬈髮同染咗啲頭髮。」
王喜未有戲拍
此外，當王喜聞得要拍靈異劇集時，他即謂：「大吉利是咩！拍拍吓七月㗎喎！」問到簽了楊紫瓊所屬公司何時有戲開拍？他說：「未咁快，依家金融海嘯，拍電影都係下半年嘅事。」
文：影視組