樂基兒買餸煮飯一樣掂

樂基兒前日單拖到中環置地廣場的超市內買餸，她說：「依家搬咗去上水，平時都係去上水街市買餸，不過如果買啲外國嘢就會嚟呢度買。（街市濕漉漉你唔驚？）唔驚，我照去㗎，同埋我唔會講價，人哋已經賣得好平，再平就好難維持生活。（有報道話你為咗減肥冇啖好食？）我係仲減緊肥，但唔可以唔食嘢或者淨係食菜，肉同飯都一定要照食。」

樂基兒在超市內搜購不同的食物。

煮得一手好菜的她自言基本上甚麼都懂得煮，她說：「鮑魚魚翅我都識煮，我係越南人所以越南菜都識，火鴨絲炆米都難唔倒我。」難怪她養到黎明肥肥白白。最後她買了一大袋雞肉、蔬菜和壽司等離開。

誰是你心目中的影帝影后？《請即投票》