《耳分高下》中的「菠蘿」郭穎橋早前接受電台訪問，身為○九年樂壇女新人，選擇以「Sing之天使」身份先殺入公仔箱，穎橋坦言不怕身份重疊：「電視係一個同觀眾好好嘅溝通橋樑，咁樣可以雙管齊下，令更多人了解郭穎橋！」
剛由韓國拍攝《耳分高下》回港的她，對於有指「藍莓」劉俐貼身黐庾澄慶（哈林），穎橋就力撐好姐妹說：「冇覺得邊個特別黐住哈林哥，反而係我哋八個女仔黐到實！」穎橋更透露在節目內會獻出第一次，她說：「今次旅程好難忘，人生第一次着比堅尼，仲要對住鏡頭，自己不期然係咁縮肚！」此外，穎橋將推出以女仔每月之痛為題材的歌曲《好痛喇》，提醒男士們多體諒身邊女士。
