鄭嘉穎與周麗淇（Niki）分手即搭上佘詩曼，昨日他出席活動時，揚言不會介意與舊愛合作，似是再見亦是朋友；而Niki亦獲查小欣大平反，指當日是她飛起男友，並不是報道所說男方一腳踏兩船。
鄭嘉穎昨日與陳敏之、林保怡等出席馬會活動，被問到會否向公司申請不同Niki合作？他即反問說：「點會？點解要咁做？」坦言不排除有合作機會，他續說：「等公司安排，會接受同OK。」
怕阿佘扭耳仔？
早前被本報踢爆搭上佘詩曼的嘉穎，問到報道出街後有否聯絡Niki？他問非所答說：「撞唔到。（打電話唔使撞？）撞唔到。」再問到私下有否打給對方？嘉穎依舊說：「撞唔到。」難道怕女友阿佘扭耳仔？
至於Niki日前接受查小欣訪問時被問及：「你飛咗男朋友之後感覺良好？」但報道卻反指Niki被男友飛，查小欣昨為Niki大平反，直指記者「唔知點聽？」兼炒作新聞，Niki感激查小欣說：「冇留意報道，如果報道錯咗，我諗係個別例子，要多謝小欣姐做呢個動作（大平反），呢件事唔好再提。（係咪講咗緋聞好耐？）好難控制。」
廣州舉行簽名會
Niki日前到廣州舉行簽名會，吸引五百歌迷逼爆場地，其中來自四川的老師要求Niki寫一些鼓勵說話給四川地震的災民。
另外，敏之透露由於父親是個馬迷，故自小就有聽、睇賽馬：「可能因為我屬馬，所以同馬結下不解緣，每次去旅行都會買馬造型擺設。（有賭馬？）都有，少少哋玩吓，最多贏百幾蚊，當攞個意頭。」
文：音樂組