官恩娜（Ella）昨日以白色上衣及牛仔短裙現身電腦防毒軟件「Norton 360」發布會，由於上衣非常單薄，令Ella的臍環若隱若現，非常性感。
Ella坦言經常用電腦上網，更賣口乖大讚軟件方便又好用，不會擔心電腦資料外洩，又坦言經常會到外國網站睇最新時裝，但不懂分辨真、假網站，搞到電腦多次中毒，Ella說：「之前都有試過中毒，要拎去整，最怕都係冇晒啲檔案同相啫。」
問到Ella曾否拍攝親密照片放入電腦，Ella笑言：「有，同屋企人影囉（情侶？）都有嘅，開心先會想影相留念，不過係正常嗰啲合照，（分手就刪除？）唔會，呢啲係我生命嘅一部分，經歷過嘅腳印，有時都會睇番，（唔怕未來男友呷醋？）唔怕，除非佢係放毒嗰個啦！」
問到Ella過去有幾多個「腳印」，她坦言一共有七個文件夾，她說：「我依家都廿到忟，拍過六、七次拖好正常啫，有七個file，依家都受保護喇，唔怕畀人睇到，（新file？）都有一段時間冇新file，我又唔急喎，都因為依家科技進步，好多人三十歲先結婚，四十歲先生仔，相信我都係嗰種人。」