【本報綜合報道】美國一間著名百年食肆，只做熟客生意，一般人有錢都冇得食，且一視同仁，就算天王巨星如麥當娜來到亦只有「食檸檬」。但這間餐廳為慈善籌款，將一張四人枱服務作網上拍賣，底價五千美元（約三萬九千港元），但要在指定日期享用。
位於紐約東哈林的意大利餐廳Rao's開業逾百年，舖面細細，僅有十張枱。餐廳不設訂位，因他們只做熟客生意，若是熟客朋友亦可入內用膳。據報麥當娜及前總統克林頓曾慕名而來，亦只能吃閉門羹。
Rao's為慈善籌款，將一張四人枱服務於網上拍賣，底價五千美元，當中包括食物、葡萄酒和稅項，但未計小費。若競投者願出「一口價」二萬美元（約十五萬六千港元），則毋須繼續競投，可肯定在內用膳，但服務限定於七月廿七日享用。公開競投將至下月三日為止，籌得款項將捐給全國意裔基金會。