粒粒顯關懷 長者喜常滿
近年通脹持續升溫，基層長者首當其衝，即使省吃儉用仍無法抗衡通脹。為減輕清貧長者負擔，東方日報慈善基金自一九九八年起舉辦「粒粒顯關懷」贈米計劃，每月透過八十多間志願機構及長者住屋向近六千名長者送上愛心白米。善長的點滴捐輸，將可令贈米計劃繼續無間斷地為有需要長者送上白米，延續關愛。
「後生幫外國人打住家工，成日都要煮西餐、食薯仔，幾十年都唔慣，中國人都係要食飯先夠正氣！」年屆九十三歲高齡的李旺興婆婆為贈米計劃受惠者之一，與記者閒話當年時，婆婆透露年輕時為駐港英軍當家庭傭工，直至八十歲才退休，精通中西廚藝的興婆婆坦言最愛米飯，笑言「每日要食兩碗飯先夠飽」，指贈米計劃可減輕不少經濟負擔，「依家乜都貴，綜援金又愈嚟愈唔見使，蒸一條魚要分開幾餐食，但每餐一碗白飯唔少得，所以每月有米拎真係幫到好多！」
至於同為九十三歲的廖肥妹婆婆則說，人生中最不能忘懷乃經歷饑荒的艱苦歲月，「後生嗰陣見過有人餓死，又試過捱餓，所以咁多年嚟都慣咗睇到米缸『常滿』先安樂！」
不過，近年百物騰貴，令僅靠綜援金維生的廖肥妹婆婆加重不少負擔，幸而自搬入長者屋後即受惠於贈米計劃，令米缸得以繼續「常滿」，「我搬咗入嚟十六年，就送足咁耐米畀我，令我唔使擔心冇飯食，個人都安心晒！」
為老友記紓經濟壓力
「喺呢度住嘅老人家有九成以上拎綜援，對佢哋嚟講，買一包米已經係好重負擔，而且最早搬入嚟嗰批老友記多數都係無兒無女，善長送嘅白米就代表社會上仲有人關心佢哋。」華貴邨長者住屋社監黎志敏表示，長者屋內大部分長者均受惠於贈米計劃，認為計劃不但能減輕長者經濟壓力，亦能為他們帶來溫暖和關懷。黎志敏希望善長繼續捐款支持贈米計劃，令更多長者受惠。
捐款編號︰16333
記者︰呂耀焜