踏入2019年，香港人第一件事要做梗係申請「交津」，其次係申請「補漏拾遺」攞4,000蚊，之但係冇番本月曆提你又點記得咁多嘢呢？拿拿臨買番本性感2019月曆，惹火、全裸主題乜都有，最重要係全部都係索女，有佢哋日日夜夜提醒你，就算交稅你都唔會錯過日子啦！
人類總係可惜太多，珍惜太小！有嗰陣唔覺係寶，失去就起勢嘈！就以英國《太陽報》為例，由1969年創刊時發行量只有80萬份，到90年代小報發行量已高達470萬，點解咁爆？咪因為人冇佢有「Page 3 Girl」三頁女郎囉！每年佢哋都會推出月曆，人人爭住搶購，就知道呢班女郎幾咁索啦！
假如你以為囡囡肯剝就可以成為三頁女郎，你實在太天真喇！據官方表示對挑選囡囡有嚴格要求，先決條件係要有對天然巨乳，一定唔可以僭建，五官要標致，仲有薄身、皮膚白滑及長腿，缺一不可，有齊晒條件就可以面試，所以大家會見到件件女都身高1米70，樣子甜美可愛，有波有籮，架生齊備。
網址：https://www.calendarclub.co.uk/models/female-models/sun-page-3-a3-calendar-2019-r231788
「男友視角」、「女友視角」喺網上日夜放閃，有冇人關心過一班麻甩佬嘅需要先？當然有啦！由德國攝影師Frank Lutzeback親自操刀拍攝嘅女農全裸月曆，絕對滿足晒一班做到不見天日嘅真漢子需要呀！呢本月曆的主題叫「Jungbauernträume」，意思係「Young Farmers Dreams」，即係年輕農夫夢，究竟呢個夢係指裸女定係塊田就自己諗喇，細佬淨係知由1月到12月都會見到健康性感大波裸女攤喺拖拉機上擺甫士，真係睇到人好想去耕田囉！
網址：https://www.amazon.com/Jungbauerntraume-2019/dp/3958436641
世上最難推銷產品係乜？係棺材呀！冇錯，人人都會死，但明知要死你都唔會買！而波蘭人最叻，早知賣棺材係禁忌，令人神憎鬼厭，於是喺2010年開始將佢變成人人主動（目及）實嘅期待產品，推出正爆裸女棺材月曆，問你死未？
諗得出咁爆嘅宣傳手法，係波蘭一間名叫Lindner嘅棺材舖，創辦人Zbigniew Lindner表示棺材不應被視為可怕東西，棺材係傢俬，係每個人瞓覺嘅最後一張床，而利用裸女宣傳，無非係要凸顯女性力量及高貴一面。Lindner強調，公司理念就係結合兩種極端，「美麗裸體及最精湛棺材」先係人們最想追求嘅產品，但問題係今年年曆加入不少裸男，硬係有啲格格不入咁囉！
網址：http://kalendarzlindner.pl/editions/
上網搜尋性感、全裸月曆呢類關鍵詞時，總會見到好多裸女攬住一條大魚圖，查實佢係一本喺歐洲非常暢銷嘅「運動月曆」，全名叫「Carponizer Karpfen Kalender」。大家都相當好奇，究竟月曆係賣女定賣魚？事實係賣高端釣魚用具。Carponizer呢間公司喺德國有實體店兼有網店，2013年老闆Hendrik Pohle想搞宣傳，無奈冇乜諗頭，於是就整咗本「美人魚」月曆喺展銷會半賣半送，點知外界反應熱烈，結果一年復一年，至今成為每年最大嘅Project囉！
網址：https://www.amazon.de/Carponizer-Karpfenkalender-2019-Angelkalender-calendar/dp/3981747267/
撰文：祖