喺家中睡房啪啪啪，如果客廳有屋企人喺度，有人會覺得好刺激，亦有人會覺得好無奈，呢位男網民正屬於後者，佢話：「由於屋企長期都有人喺度，就算我同女友喺房度做，女友都唔敢大聲叫，同時亦唔敢做太大動作，擔心會發出聲音畀屋企人發現，最大問題就係事後冇得即刻去沖涼！仲有用完嘅套套唔知丟去邊，試過沖落廁所，差啲搞到塞咗，嗰刻我幾驚呀！真係好無奈呀！」
芝麻綠豆：好心你就做少啲啦！拍得拖，爆房錢點可以慳，喺屋企做，結果咪出現你呢個問題囉！想玩得開心又盡興，一於去酒店房盡情玩啦！
Changelei：你真係好有怨氣呀！尤其係睇到你話丟套搞到廁所塞咗，嗰刻我真係笑咗出嚟，因為我都有同樣嘅經歷。其實個套可以搵嘢包住佢，然後趁送你女友走時順便丟出街，咁咪唔使煩囉！
彌敦特務：一個禮拜去爆兩三次房，嗰條數確實襟計。以前我同女友去爆房時，雖然頻率唔高，但嗰條數已經令我頭暈。好彩家陣我哋有自己地方終於唔使煩，鍾意點玩就點玩。
將你一車穀：係咁無奈喇，邊個叫你冇自己地方，又冇錢密密爆房啫！你都係諗定點儲錢買樓，或者睇吓有冇能力出去租屋住啦！
撰文：魂