最近女神Dani Daniels捲入一單網戀詐騙案中，當然唔係阿妹畀人呃，係一名男子入稟法院指被女神呃錢，要求女神賠償1,795美元。事緣係男網友喺社交網認識咗一個叫「Dani Daniels」嘅女子，其後女方開出飯局價，點知收錢後去如黃鶴！原來呢單詐騙案只係冰山一角，類似嘅網騙喺世界每個角落不停發生，其中有一位不願公開姓名嘅男網友又話喺社交網認識咗「Dani Daniels」，女方自稱過往係四仔脫星，引退後為逃避世人目光，於是去到非洲加納修讀護理課程，愛心滿瀉嗰隻，等男網友放下戒心後，就開始左呃右氹。而Dani Daniels被人無故提告後，就喺社交網爆Seed，呼籲大家做人要醒少少，佢已經結咗婚，人在紐約生活，從未修讀護理課程，亦冇去過非洲加納，更加唔會出現喺約會網站，最後佢希望大家聰明啲，唔希望再有人被人呃，寄錢畀假冒佢嘅人。話時話，以為女人易呃，查實男人仲易呃！