惡搞蘑菇

色情網站「WoodRocket」向來以惡搞聞名，近日無啦啦推出惡搞「孖寶兄弟」嘅新片，唔少網友都話抓爆頭，事關唔係有乜周年慶典，遊戲又冇新搞作，莫非係年尾清倉底貨？當然唔係啦，今次玩「孖寶」擺明就係玩影射，多得早前Stormy Daniels上電視清談節目大爆秘密，愈爆愈興奮，連私隱都講埋出嚟，話除咗比一般人短小，仲好似蘑菇，十足遊戲中頭部為蘑菇的角色奇諾比奧（Toad）咁話，事件經傳媒續發酵，笑足成個月都未笑夠呀！咁依家你明白「WoodRocket」點解要惡搞蘑菇啦！