神秘廣播戀曲

近年日本成人遊戲題材被人批評千篇一律,難怪成人遊戲迷感到無趣味性,其實又唔係所有開發商都係咁,好似Laplacian嘅新作《未來的電台與人造鴿》咁,劇情不但新穎,鹽花場面亦浪漫得嚟又夠誘人。故事講述未來嘅人類為咗令電波網絡能夠完全覆蓋地球,於是研發出一種識得自我繁殖嘅白色人造鴿,點知人造鴿失去控制,變成具有吞噬電波能力嘅怪物。喺2061年某日,人類終於失去所有通訊網絡,手機同電腦都成為廢物,因無線電波消失關係,被稱為人造鴿異變日中,有8架飛機喺鳴山國際機場墜毀,而男主角月見里空嘅父母亦係當中死難者。

15年後,月見憑住收集番嚟嘅零件,組裝成無線電廣播機喺鳴山市進行廣播,翌日卻收到一條奇怪廣播訊息,指月見3個星期後將喺鳴山國際機場第一航空樓死亡。感到奇怪嘅月見便去到航空樓一探究竟,發現樓內有位被人造鴿圍繞嘅神秘少女,自稱叫葉月輝夜嘅少女同月見講一定唔會畀佢死,點解佢會咁講呢?一場同神秘美少女之間發生嘅浪漫情慾愛情故事就咁展開。

撰文:魂