近年日本成人遊戲題材被人批評千篇一律，難怪成人遊戲迷感到無趣味性，其實又唔係所有開發商都係咁，好似Laplacian嘅新作《未來的電台與人造鴿》咁，劇情不但新穎，鹽花場面亦浪漫得嚟又夠誘人。故事講述未來嘅人類為咗令電波網絡能夠完全覆蓋地球，於是研發出一種識得自我繁殖嘅白色人造鴿，點知人造鴿失去控制，變成具有吞噬電波能力嘅怪物。喺2061年某日，人類終於失去所有通訊網絡，手機同電腦都成為廢物，因無線電波消失關係，被稱為人造鴿異變日中，有8架飛機喺鳴山國際機場墜毀，而男主角月見里空嘅父母亦係當中死難者。