從網上獲得嘅性知識不盡不實，而坊間性教育書籍嘅內容卻又唔知有冇根據。如果想學到正確嘅性知識同性觀念，不妨參閱呢本由美國資深性學及生殖研究所研究員威廉‧亞伯，及女性健康及人類性行為講師芭芭拉‧薩雅德聯手著作嘅《性的解析－美國大學性教育講義 1：身體、性別與各年齡層的性》。睇個書名就知道來頭唔細，事實上佢係美國長久以嚟被採用，並深受歡迎嘅大學性教育教科書。呢本書嘅宗旨以正向看待嘅觀點，尊重生理及心理真實，並尊重各種經驗及文化，透過專業研究同調查，再融合生理學、心理學、教育學、人類學、女性主義等嘅觀點而成。作為「性教育」系列嘅第一集，書中解釋所謂「正常性行為」，係符合群體中平均值或中位數嘅行為模式，因此僅具有統計學上嘅意義，當中嘅「正常」或「唔正常」，同係咪合乎道德或心理偏差並無關係。此外，書中亦帶出要正面看待各種唔同嘅性傾向，並學會尊重他人及子女嘅身體及隱私，等大家明白正確嘅性觀念。不過對於娛樂性嚟講，呢本書就唔係咁高喇。