最近一年一度嘅大型選美活動已正式開始，不過有傳話因為成本問題，所以今屆班佳麗冇得出國取景。老實講，其實年年出國都係去當地做吓甚麼綵排，以名勝作場景擺個影相姿勢，根本就係「法國大餐」，留喺香港拍攝咪一樣！而且，唔出外景一樣可以為觀眾帶來豐富眼福，就好似篠原冴美最新嘅寫真映像作品咁喇！
篠原冴美早前正式加入日本專業麻雀協會，成為一位職業打麻雀選手，但係決戰四方城並無阻礙到佢嘅演藝事業，家陣依然活躍各類直播節目以及寫真演出。提到拍寫真，以前篠原冴美嘅身材比較圓潤，甚至可以話係肥肥哋，自從上年參加一個減肥挑戰活動之後，阿妹成個人Fit晒！可能因為減咗磅，冴美喺呢部寫真映像作品《かのじょ。》中表現得零舍活潑，扮完貓女又扮女僕，換完魚網裝又換三點式表演出浴，吸睛元素相當豐滿，所以大家睇完之後發覺作品全部只得室內場景，亦一樣感到滿足。
碟名：《かのじょ。》
收錄時間：75分鐘
售價：約HK$288
撰文：賢