KMP學園祭 鬥智鬥力鬥露肉

10女混戰

唔知大家有冇發覺，年紀愈大就愈少同班老友聚頭，大家仲記唔記得上一次同老友踢波係幾時呢？家陣大家都各有各忙，而且各有家庭要照顧，真係好難可以約齊成班老友出嚟玩！之不過，唔同老友玩，同AV女優玩係咪更加開心呢？唔係癡人說夢，事實上日本AV廠KMP每年都會舉行KMP學園祭，等AV迷可以同女優一齊打機、踢波同玩遊戲，更加可以欣賞到佢哋嘅誘人身材添！而早前就舉行咗第6屆KMP學園祭，同以往一樣，喺室內活動場進行，搵來一大班女優同AV迷玩餐飽，今次出席嘅女優有10位咁多，一姐佐倉絆以KMP學生會會長身份登場，帶領其他女優出場，包括剛剛加入KMP嘅G奶美人沙月永遠、阿部乃美久、尾上若葉、濱崎真緒、椎名空、夏目愛莉、南梨奈央、宮崎彩以及即將引退嘅佳苗瑠華，陣容十分鼎盛。

大細波遊戲

女優們以一身學園運動服示人，散發出青春活力，先喺台上唱出會歌為活動打開序幕，然後10位女優各自同80位AV迷一齊玩樂，其中最受歡迎嘅一定係玩遊戲機喇！大會預備咗好多懷舊遊戲機，包括超級任天堂、PS、N64、Wii等畀大家玩，雖然遊戲機款式係舊咗少少，但係一樣無阻女優們玩得興高采烈，特別係22歲嘅宮崎彩，佢話自細就好想玩體感遊戲，今次終於可以一圓兒時心願！除咗打機之外，大會仲安排咗好多迷你版嘅遊戲設施，例如迷你乒乓波、迷你氣墊球等。除咗一系列細波玩意，女優們亦有同AV迷玩大波遊戲，就係用足球射龍門喇！另外，女優仲同AV迷一齊玩拗手瓜，實行嚟個肌膚之親添！

流淚收場

玩咗咁多遊戲之後，令腦力同體力都消耗得好快，不過唔使驚，因為大會已經安排專人整三文治畀大家醫肚補充體力，認真招呼周到！正當個個玩得相當高興之際，佳苗瑠華突然喊到眼淚連連，唔係因為佢畀人蝦或者畀AV迷毛手毛腳嚇到喊，而係感動到喊呀！話說佳苗瑠華即將喺6月引退，所以KMP特別向佢致送一張畢業證書，而一眾女優亦製作咗一張精美紀念卡，更寫上發自內心嘅語句送畀瑠華作惜別禮物，結果瑠華即時感動到流晒眼淚！最後，着到密密實實嘅女優們逐個脫掉運動服，施展比堅尼誘惑，向AV迷大派福利，仲表示期待下一屆於6月舉行嘅KMP學園祭添！

撰文：賢