男人睇女人係咪天經地義？呢點真係唔敢講，只係講到搵女手冊原來唔係香港至有，早喺19世紀嘅英國已有一本介紹名妓嘅指南，而意大利有位性感女主播，更係想睇吓佢直播。另外，日本有間AV片廠對投訴者作出霸氣回應，搞到一班日本AV迷扯晒火，究竟發生乜嘢事呢？
點樣回應消費者嘅投訴真係一種公關學問，好似日本AV片廠CasanovA早前嘅霸氣回應，就引起AV迷嘅激烈回應。CasanovA係一間專門製作VR AV嘅片廠，演出嘅囡囡並唔係素人，而係稍有名氣嘅AV女優，如淺田結梨、尾上若葉、秋吉花音等，加上以VR作為賣點，呢間片廠喺日本AV界有一定人氣。不過一直為人詬病嘅地方，在於製作嘅VR片都係經過後期電腦加工，因此當AV迷用VR器材欣賞時，便經常出現360度接縫處理差嘅問題，例如片中女優塊面會被切去一半，真係令人睇到好無癮！
對於呢個問題，CasanovA早前喺官網作出回應，一開始就咁樣講：「根據唔同嘅作品，畫面質素差，係相當令人失望嘅事，所以未來嘅作品會提高畫面質素。不過買580日圓VR作品仲要特登寫評論，只不過係580日圓啫！如果我有時間寫評論嘅話，不如再買多一套VR AV睇好過啦！」先以公關口脗作出面回應，之但係後面嗰句說話語氣未免有啲諷刺，難怪呢段回應一出，即時引嚟AV迷嘅激烈回應：「乜嘢叫做得閒不如再買一套AV，不知所謂！」「對嗰啲畀錢買片睇嘅客人講呢種說話，個腦係咪有問題？」「官方竟然有呢種諗法，睇嚟呢間片廠做唔出好作品囉！」睇嚟呢鋪真係辣(興)晒AV迷，不過有趣嘅係CasanovA至今仍未有再作出回應，同時亦冇刪除嗰段回應，真係夠晒霸氣！其實買咗套580日圓（約43港元）嘅AV，係咪真係唔應該有投訴呢？
曾幾何時香港坊間湧現唔少搵女指南，內容遍及所有一樓一、桑拿、指壓等地方，不過時至今日已甚少見到呢類指南了。原來早喺19世紀嘅英國已經有呢類指南出現，呢本喺1883年由英國出版社推出名為《The Pretty Women of Paris: GUIDE TO PLEASURE》嘅搵女手冊，共有169頁，搜羅當時喺法國嘅著名妓女，唔單止有相有樣睇，更印埋地址，兼且加入編者對囡囡質素同缺點嘅評論，據稱當初出版呢本書嘅原因，係為咗方便英國男士到法國巴黎搵食之用。
話時話，當時嘅法國名妓有邊幾位呢？根據書中嘅介紹，一位叫做Leontine Massin係當年法國最著名嘅妓女，佢嘅客人非富則貴，包括英國國王愛德華七世。指南評價佢係一位身材嬌小圓潤嘅女子，擁有可愛藍眼睛、柔軟肌膚同秀髮，玫瑰色嘅舌頭，總係輕咬自己柔軟嘅嘴唇。另一位叫做Louise Valtesse嘅妓女，被稱為法國最美麗聰明嘅妓女，客人可以仔細探索佢嘅身體，而佢從來唔拒絕任何客人，透過聰明手段賺取巨大嘅財富。不過講到書中標榜為法國名妓中嘅巨星，便要數呢位叫做Leonide Leblanc嘅女子，佢迷倒整個世代嘅男士，每一個有身份、有地位同有財富嘅男士都曾同佢度過一夜或以上嘅春宵。據稱呢位巨星級名妓喺1864年嘅身家相當豐厚，而佢可以呢邊同一位熟客食焗薯仔，跟住又同另一位熟客食松露，咁係咪暗示佢嘅社交手腕相當勁呢？
女主播應該着得性感啲定莊重啲好呢？答案應該係根據唔同地方、唔同嘅人而異，好似意大利有位體育女主播憑住性感衣着，及前凸後趷火辣身材，加上一對修長美腿而獲得極高人氣。喺意大利電視台一個足球節目擔任主播嘅Barbara Francesca Ovieni，有着超高嘅知名度，事關呢位身材高挑嘅女主播，身材火辣夠晒吸引，最誘人嘅係佢每次出場都會露出胸前深溝及一對修長美腿，睇到人流晒口水！而上年佢因為喺直播節目中，唔小心露出黑白色圖案嘅底褲，即時引嚟極大哄動，兼且紅遍國際，有外國媒體因此稱佢做「意大利男人睇體育節目嘅主要原因」。
其實Barbara喺鏡頭前已經叫做着得「保守」，平時嘅佢着得更加性感，而佢經常上載超火辣嘅自拍照到IG。雖然佢喺電視上着得非常誘人，但有趣嘅係佢嘅衣着從未被人批評，唔少人仲讚佢令節目生色不少，睇嚟唔同嘅地方文化，對待同一件事嘅態度，真係可以好唔同！
撰文：魂