若然未聽過《Walkure Romanze 少女騎士物語》嘅話，千祈唔好自稱做日本成人遊戲迷，事關呢個由成人遊戲製作公司Ricotta喺2011年10月推出嘅作品，獲得極高嘅人氣，而相關嘅成人模型亦長出長有，2016年由模型廠Q-six推出嘅《Suiria‧體育授業（游泳池篇）》系列，當年遊戲女角色蘇利亞‧庫瑪尼‧安特里化身成水着美女模型，不知吸引幾多成人模型迷捧場，不過雖然模型極受歡迎，但卻一直冇系列第2彈作品登場嘅消息。
正當唔少人以為呢個系列就此無疾而終之際，Q-six突然宣布喺今年8月推出第2彈作品，而今次登場嘅係遊戲中金髮美女貝爾緹優‧阿芙奇瑟。雖然呢個係成人模型，但先同大家講明，佢無採用一般成人模型嘅可剝衫玩法，咁即係冇嘢睇？咁又唔係喎，因為佢唔使剝衫都好養眼，事關模型以飛釘同「駱駝趾」嚟滿足大家嘅眼球，前者喺巨乳加上飛釘，足以令人心跳加速，而後者更係令人邪念大爆發！除咗呢啲超誘惑嘅賣點外，亦不得不讚模型並非一味玩鹹味，佢身上套盔甲嘅花紋不但做得相當細緻，而且仲極具質感，係個質素相當高嘅模型。
全高：約300mm
售價：￥17,064（約HK$1,228）
發售日期：2018年9月
撰文：魂