日文中「妄想」可解做性幻想，而對唔少男士嚟講，性幻想更可以話係生活嘅一部分，好似日本有款平平無奇嘅扭蛋玩具，突然變身成妄想觸手照片嘅主角。另外，日本有位陪酒孃搞生日派對，消費相當昂貴，但仍然吸引唔少客人捧場，所以話男人鹹濕起嚟係唔在乎金錢嘅！
網絡嘅邪念無限，唔係，係創意無限至真！好似日本有款扭蛋玩具，本來只係一款好簡單嘅玩意，但喺日本網民嘅創意之下，竟然變成邪念爆發嘅玩法，更喺日本網絡引起一股搶拍風潮。日本著名扭蛋玩具廠Capsule Collection於上年1月推出一個名為「指尖章魚」（指タコ）嘅扭蛋系列，分別有3種唔同顏色，包括「葡萄色」、「鉛丹色」及「朽葉色」，並分為站立及蠕動兩種唔同造型，合共6款尺寸約1吋左右嘅章魚玩具。佢之所以稱為「指尖章魚」，因為佢可以放喺玩家手指上玩，而從推出日期嚟睇，佢係食住指尖陀螺熱潮應運而生。
不過指尖陀螺風潮已過，「指尖章魚」卻突然喺日本網絡爆紅，事緣係去年底，有日本網民喺網上上載咗用「指尖章魚」糅合動漫女角色模型，炮製出邪念極高嘅照片，佢將章魚放喺模型嘅手腳上，營造出好似被觸手凌辱嘅畫面，效果令人興奮不已，於是個個跟風照做，搞到原先只不過係一件普通嘅扭蛋玩具，變成用嚟纏擾動漫女角色模型嘅邪念道具，真係不得不佩服呢班邪惡嘅日本網民呀！
男人嘅錢就係花喺女人身上？相信絕大部分嘅男士都會有同感，但係講到名副其實將錢使喺女人身上，卻未必個個都承擔得起。話說日本有位陪酒女郎舉辦生日會，消費雖然極之昂貴，但仍然吸引唔少知心客到場使錢陪佢過生日。呢位喺歌舞伎町高級酒廊「Gentleman'z club」工作嘅陪酒女郎渚杏璃，早前舉行大型生日派對，而呢個派對消息一出，立即引嚟日本網民哄動，事關據宣傳海報上嘅酒水收費，真係貴到嚇親人！一支最平價嘅香檳要成10萬日圓，約7,200港元，而呢支香檳一般零售價只不過係千幾蚊港元有交易。至於最貴嘅一支香檳更係高達50萬日圓，約36,000港元。不過有網民認為一啲都唔奇，話晒係高級場所，價錢昂貴好正常。
最近渚杏璃將當晚派對嘅照片上載到社交網，見到唔單止座無虛席，每個客人亦唔覺得啲酒貴，嗌到成枱都係酒，唔少客人仲贈送生日禮物畀壽星女，例如巨型花籃、鮮花、生日蛋糕、首飾等擺滿晒全場，而酒廊更疊起香檳塔，相當架勢。有網民猜測，究竟渚杏璃喺呢次派對中有幾多收入呢？雖然答案只有佢自己至知，但其實呢位陪酒女郎來頭一啲都唔細，皆因佢早喺六本木嘅酒廊工作時，已經有極高嘅人氣，甚至有傳佢拒絕過寫真出版社及AV片廠嘅邀請，睇嚟佢真係唔憂米！
男士們總會對女士嘅車頭燈有各種幻想，加上坊間對巨乳有唔少嘅傳聞，令唔少男士對呢啲流言信以為真，例如車頭燈愈大就會愈敏感、車頭燈愈搓會變得愈大，但事實又係咪咁呢？韓國資訊網站「Insight」便對此進行調查及深入探討，結果發現男士信以為真嘅嘢其實都係錯嘅。首先巨乳係咪比貧乳敏感呢？答案係否定嘅，理由好簡單，由於車頭燈係由脂肪組成，若然女性胸部愈大，佢哋嘅脂肪層就會較厚，因而令敏感度下降，因此巨乳女嘅胸部反而會比貧乳女冇咁敏感。如果係咁嘅話，AV男優經常舌戰女優對車頭燈，而巨乳AV女優又興奮到典嚟典去咪即係假嘅？專家表示經調查發現，其實女性嘅胸前敏感帶並非喺車頭燈上面，而係喺胸部下圍或接近腋下嘅地方，另一個最敏感嘅地方係條腰。
至於車頭燈係咪愈搓愈大呢？根據專家指出，男士總以為啪啪啪時狂搓車頭燈，對燈就會變大嘅諗法亦係錯嘅，事關女性用恰當嘅動作嚟自搓車頭燈，先至具有令車頭燈變大嘅作用，男士喺床上亂搓，卻係一啲作用都冇。不過講真，男人喺床上玩搓波仔，相信冇邊個嘅目的係為咗想令女伴對波仔變大囉！
撰文：魂