有人一注獨得六合彩頭獎彩金，本來值得恭喜，但事實上換嚟一地「葡萄」，雖則話命裏有時終須有，命裏無時莫強求，之不過六合彩嘅嘢，係要持之以恒去買先得嘅！就好似影相咁，人人影裸女，人人出寫真，作為觀眾又憑乜嘢去決定買一本寫真呢？答案當然係睇囡囡質素啦！咁若然N咁多本寫真都係同一件女又點揀呢？咁就要睇攝影師嘅功力喇！功力呢家嘢絕對要用時間浸淫，唔係話識影相就等於影得效果好嘅，好似呢本《#NSFW》寫真就讓大家體驗到攝影師嘅功力十足喇！
「NSFW」即係「Not Safe For Work」嘅縮寫，寫真內容九成九有裸露同色情成分，不宜喺公眾場所觀看。但作為一本寫真集，竟然只用「NSFW」做書名，連講你聽主題係乜都嫌多餘，有興趣就自己買嚟睇，呢啲咪叫自信爆棚囉！夠薑出本咁嘅寫真，原來係出自色情攝影大師Rankin之手，喺25年嘅職業攝影生涯，影過無數美女嘅胴體，大師仲話佢嘅寫真毋須要世人覺得完美，更非要被冠以藝術級數，佢只想每一張寫真都充滿生命，講到咁偉大，唔知睇過嘅巴打又有乜嘢Feel呢？
書名：《#NSFW》
售價：約HK$748
撰文：祖