雖然自製J杯嘅方法有好多，亦有唔少網民分享各種製作方法，而最近有日本網民分享嘅J杯自製方法，卻引嚟極大回響，皆因佢所用嘅材料相當簡單同就手，最重要係令到一班單身狗相當有共鳴。
早前有日本網民分享自製J杯嘅方法，材料取自日常用品，每個步驟都畫晒圖，等網民可以跟住嚟製作，既可滿足手作欲，同時又能滿足手作仔之慾，好玩又有趣。方法係先要準備一個尺寸夠大嘅紙杯、3隻膠手套及橡筋，先用橡筋挷實兩隻膠手套，然後將手套向內翻，注入水後，將手套紮實變成水球狀，再將佢夾實剩低落嚟嘅膠手套，以三文治式嘅方法塞入紙杯內，將手套嘅邊緣向外翻並勒實紙杯，呢個以日常用品製成嘅應急J杯就大功告成喇！根據設計呢個J杯嘅網民表示，用完後只要丟棄中間隻手套便可，若然水球內嘅水換成溫水，感覺會更加好Feel。不過有網民稱最重要都係記得用潤滑劑，否則兵器一定會磨損。
台灣嘅夜市向來都係搵食嘅好去處，唔單止價錢相宜，仲有唔少特色食物，好似喺2010年爆紅嘅街頭小食「大雕燒」就係其中之一。據稱最早源自台北西門町一間創意甜品店，外形如同其名，酷似男性生殖器官，味道分甜味同鹹味兩種，以雞蛋及麵粉為主要材料，甜餡料有紅豆、煉奶、朱古力等，而鹹餡料則有香腸、芝士等。既然呢個小食已經推出咗一段日子，點解又再次爆紅呢？話說參演過《仁心仁術》、《神盾局特工》嘅美國女演員溫明娜，早前到台灣九份旅行時，試食呢種極具特色嘅小食，並將照片放上Facebook同Twitter同大家分享，結果大雕燒出位嘅外形，引起美國網民哄動，有網民問抹茶味嘅綠色大雕燒，係咪同變形俠醫有關。其實呢種小食一直喺台灣具爭議性，唔少家長認為佢嘅外形太過露骨，擔心會對小孩帶嚟負面影響，甚至有人提議有關部門應該介入添！
外遇可以話係已婚男女最困擾嘅問題，喺啱啱過去嘅2017年，英國嘅外遇情形又係點呢？意大利約會網站「Incontri EXTRAconiugali」早前委託調研機構，對英國男女喺上年嘅外遇行為進行調查，問及受訪者幾時係最有可能出現外遇嘅時候、同乜嘢人最易發生外遇同埋點解會發生外遇?結果有百分之三十六嘅受訪男女表示，佢哋曾經發生過外遇，當中有百分之三十五嘅男女都係喺出差嘅時候，跟同事發生婚外情，另外有百分之十七嘅受訪者嘅外遇對象，係佢哋嘅阿嫂或姐夫！有趣嘅係，佢哋表明以後仍然會發生外遇。之所以有外遇嘅原因，大部分嘅受訪男士解釋係為咗滿足性慾，而受訪女士則表示希望搵到親密感同愛情。調查又發現，外遇男女最常透過社交網站及通訊應用程式搵對象，佢哋最希望搵到一種擁有私密度，同時又具有隱藏功能嘅應用程式，等伴侶唔能夠喺佢嘅手機或電腦上搵到任何蛛絲馬迹。
撰文：魂