打麻雀係一個相當適合聯誼嘅娛樂活動，而且仲可以了解到朋友嘅真性情，正所謂牌品好自然人品好嘛！如果搵到個女仔牌品好，又樣貌娟好兼身材好的話，咁就真係好喇！喺日本寫真界就可以搵到呢種靚女，佢哋咪係高宮麻里同篠原冴美囉！兩位寫真美人外形一流，同時亦係職業打雀高手，真係好想同佢哋一齊攻地四方城呀！
一副麻雀有咁多隻牌，唔知大家最鍾意甩到邊一隻牌呢？小弟最鍾意就係甩到白板喇！點解？如果淨係用手甩牌唔用眼去睇，咁多隻麻雀牌，毫無疑問白板就最容易甩清甩楚，包保唔會搞錯，而其白淨滑溜又整潔嘅表面仲可謂令人愛不釋手，就好似高城麻里呢位白淨美人咁令人睇極都唔厭。
高宮麻里除咗係一位美艷迷人又氣質端莊斯文嘅寫真界美人，亦係一位麻雀技術高超嘅職業打雀高手，正因為麻里外形吸引，打麻雀又叻，令佢近年成為好多麻雀遊戲嘅代言人，而麻里同時全力向寫真界發展，所以大家可以欣賞到麻里嘅打雀英姿以外，亦可以盡情欣賞到其性感演出。於本作當中麻里去到一個風光如畫嘅度假中心放鬆心情，表情更見親切可人又精神奕奕，當然露出度亦更高，觀眾一定睇到心情暢快，好似同麻里一齊去享受假期一樣。
碟名：《Stay With You》
收錄時間：70分鐘
售價：約HK$290
提到白板呢種牌最容易甩，令人愛不釋手，不過大家可能仲會鍾意另一隻牌，就係四萬喇！喺攻打四方城嘅時候，自己好似四萬咁嘅口就一定贏到開巷，邊個唔鍾意呢？就算唔係打麻雀，遇到一個性格開朗，成日都將四萬咁嘅笑容掛於面上嘅女仔，相信男士們亦一樣咁鍾意，唔通想見到個女仔好似五筒咁嘅面口咩？寫真界美少女篠原冴美正係成日都笑到四萬咁口喇！
篠原冴美塊面圓圓潤潤，雖然唔係普羅大眾公認嘅艷麗瓜子口面，但係青春活潑加上親切甜美嘅笑容，一樣可以塑造出吸引目光嘅健康可愛形象。冴美青春可人，原來佢身懷絕技，就係高超嘅打麻雀技術，家陣佢已經參加職業麻雀聯賽，實行全力攻打四方城！當然，篠原冴美亦同時兼顧拍寫真，本作《さみぃーたいむ》就係其最新作品喇！當中冴美一如以往笑笑口咁演出，盡情搔首弄姿，展露結實又婀娜嘅曼妙胴體，更加會放肆地將一對美巨乳夾完又托，保證大家睇得開心，同冴美一樣笑到四萬咁樣！
碟名：《さみぃーたいむ》
收錄時間：70分鐘
售價：約HK$290
撰文：賢