綁着你走

外國四仔系列：《The Ties That Bind》綁住曳曳

相對於美國嘅四仔，其實有啲四仔迷會更鍾意英國嘅作品，事關佢哋除咗同樣着重狂野嘅床戰及脫星激烈嘅反應外，拍攝角度同燈光更豐富及有層次感，好似嚟自英國四仔片廠Cinema Erotika嘅綑綁主題四仔《The Ties That Bind》，就係一部相當精彩嘅作品，於2014年5月推出，搵嚟英國著名四仔導演Disanto執導，並由Megan Coxxx、Havana Sin、Caprice Jane等人氣脫星演出。故事好簡單，講述以Megan Coxxx為首嘅一班索女，佢哋一直希望體驗被綁住曳曳嘅滋味，為咗滿足心願，於是同精於此道嘅男優交戰，從而令佢哋高潮迭起。由於呢部個作品大受英美兩地四仔迷歡迎，故此Disanto決定將佢變成四仔系列，至今已推出到第3集。講開Disanto，全名叫KG Disanto，佢喺美國有相當名氣，連續兩年喺AVN頒獎禮中獲得最佳海外四仔導演嘅提名，而佢現時為Digital Playground、Brazzers、Private等美國四仔大廠執導，未來發展絕對值得期待。

玩樂辭典：Binding Loop 三人玩意

「Binding Loop」中嘅「Binding」解做綑綁，而「Loop」則解作環或圈，咁直譯即係解做綑綁環？錯！因為佢唔係指一啲愉虐情趣用品，其實係指一種三人行嘅性愛體位，不過玩法唔係兩男夾擊女方嚟個三文治咁簡單，而係互想進攻，相信唔係人人都接受到呢種咁重口味嘅玩法。講開「Loop」呢個詞語，要提一提大家，事關喺情趣用品界中，佢係泛指各種環形情趣玩具，從雞公環到套用式嘅像真如意棒，但凡有個環嘅都歸於此類，故此「Loop」系嘅情趣用品真係有好多o架！

情色俚語：Binding情趣愉虐

英文中嘅「Binding」固然有綑綁嘅意思，因此佢經常用喺情趣愉虐玩法上，而當中最常見嘅就係用繩綑綁對方，正因為咁嘅緣故，「Binding」亦有着性暗示嘅意思，例如：「I want binding you.」 如果直譯做「我想綑綁你」，咁就大錯特錯喇！事關對方唔係想綑綁你，而係暗示跟你發生超友誼關係咁解。另一方面，「Binding」亦指女扮男裝，為咗令上半身睇起嚟更似男人，便會將胸部紮緊，亦即係我哋所講嘅束胸。至於英文俚語中嘅「Binders」經常令人產生誤會，事關按一般情況嚟講，佢解做包紮工具、書籍包紮者、臨時合約等，原來佢亦可以解做底褲，理由好簡單，皆因從某個角度嚟講，底褲嘅作用係用嚟「包紮」下半身。

日本AV系列：範田紗紗 甘心受綁

綑綁嘅滋味係點？冇試過嘅人係唔會體驗到，對於日本AV女優範田紗紗嚟講卻係一試難忘。喺1983年4月18日於沖繩出生嘅範田紗紗，於2002年以寫真女優身份投身寫真界，之後喺2006年7月成為AV廠SOD嘅專屬女優，處女作係《藝能人範田紗紗 Debut》，憑住35I超巨型上圍及甜美嘅樣貌，極速成名，同年喺第5屆SOD大賞中獲得最優秀新人女優及優秀女優兩個大獎。佢喺2010年7月宣告引退，轉投演藝界發展，演出過多套電視劇及電影。2013年10月佢重返寫真界，推出寫真集《紗紗 -sasa-》，而喺上年推出嘅寫真DVD《範田紗紗 緊縛幻想～First Time～》中，佢更係首次被人綑綁。所謂首次絕非宣傳伎倆，事關綜觀佢嘅AV作品，真係未曾演出被綑綁嘅角色，佢坦言自從呢次演出之後，令佢愛上被綑綁嘅感覺，仲話被緊緊綁住後再解開，感覺超級爽快！佢又表示拍攝寫真之後，身體被勒出繩痕，一般人需要一星期痕迹才會消失，但係佢第二日就會回復正常，反而令佢感到失落。

撰文：魂