有謂要贏人先要贏自己，事實上能夠成功突破自己嘅能力極限，已經係一種難得嘅勝利！現實中能夠屢屢突破自我嘅人其實唔多，因為過程唔容易，而且每個人都有惰性嘛！之不過，一代日本寫真天后熊田曜子就絕對唔係呢種人，即使已經生咗兩個囡囡，復出寫真界以來一直都不斷突破自我，近期仲表示唔排除會有更大膽嘅演出添！
近期小弟見番好多年冇見嘅朋友，佢哋一見面就同我講：「嘩！乜你肥咗咁多呀！」聽到佢哋咁講，我一啲都唔嬲，因為呢個乃係事實嘛！其實年過三十之後，我就愈來愈肥，就算減少食量，體重仍然會繼續上升。根據研究顯示，年過三十之後新陳代謝漸漸減慢，換言之消耗熱量速度亦慢，故愈來愈多過剩能量化成脂肪儲存於身體，咁咪愈來愈肥囉！正因為三十歲過外難以收身，小弟一直都好欣賞能夠成功收身嘅人士，對於熊田曜子更加係當佢神咁拜添！
熊田曜子的確係神，乃係廣大男士公認嘅巨乳女神！已經年屆35歲嘅曜子風韻迷人，眼神帶自信及懾人神采，畀佢電力十足嘅眼神望一望，都會感到渾身酥麻，暈得一陣陣。曜子除咗美貌保養得宜，身材更加火辣之極，一副37-23-35胴體曲線養眼，肉地結實又富彈性，上圍對J奶更加飽滿堅挺，唔講真係唔知曜子已經係兩女之母！
喺2001年出道拍寫真嘅熊田曜子，有「史上最強美巨乳」之稱，對於好多老一輩嘅寫真迷嚟講，曜子絕對係佢哋心目中嘅終極女神，而估唔到16年後嘅今日，曜子依然咁索，甚至有人認為佢仲索過舊時添！喺2012年曜子突然公布自己大咗肚，仲會結婚，唔少人都認為佢會專心相夫教子，然而曜子一直都不甘寂寞，就算上年生埋第二胎，亦唔想畀世俗觀念局限自己，極速收身之後照樣作性感演出，以火辣胴體證明自己仲係充滿吸引力同吸金能力！曜子作為知名女星，喺佢懷孕嘅時候獲得唔少孕婦用品商睇中，搵佢做大肚裙模特兒，亦搵佢推銷授乳胸圍，真係搵埋唔少奶粉錢o架。
曜子除咗突破世俗觀念，早前喺第36本寫真當中仲有突破自己性感極限嘅演出，就係做出一個意識大膽嘅M字張腿動作，最近曜子仲表示有人話佢胸部下垂，所以未來不排除會作全裸演出，畀大家睇清楚其J奶依然堅挺彈手！如果係真的話，大家就有眼福啦！
簡介：熊田曜子除咗會喺博客當中透露工作狀況，仲會同大家分享家庭生活點滴，想了解一下曜子點樣享受家庭樂，不妨Click上其博客睇睇啦！
網址：https://ameblo.jp/kuma45blo/
年齡：35歲
身高：5呎5吋
三圍：37J-23-35
撰文：賢