雖然車震夠晒刺激，但係喺公眾地方交歡屬違法，奉勸大家唔好貪一時之快而以身試法！不過，睇日本AV嘅車震系列就冇問題喇，最近車震專車魔鏡一號更製作成玩具車，雖然細細架，但係亦足以畀大家玩盡魔鏡一號嘅過癮之處，滿足一下箇中快感！
日本AV廠SOD一向都深受AV迷歡迎同支持，除咗因為佢素來致力發掘優質女優，例如夏目娜娜、範田紗紗同原紗央莉等，S廠喺創作方面一樣咁耍家，炮製出好多元素創新嘅作品以及招牌系列，例如《超高級陪浴孃》、《癡漢地獄》、《一條毛巾進入男湯》等，此外，仲有《魔鏡一號》系列令人津津樂道。
魔鏡一號其實係一架貨車，經過精心改造，內籠相當寬敞，車窗更特別以單面玻璃製造，外面睇唔到入面做緊乜，但喺車廂內則可以飽覽外面景色。進行拍攝時，魔鏡一號會四圍去，期間女優會同男優大玩車震，而鏡頭就會捕捉兩人激戰連場，同時又會睇到車外嘅人與物卻表現如常，完全滿足到AV迷喺鬧市中進行床戰嘅慾望。
1996年魔鏡一號首次啟程，接載女優四圍當街當巷搵素人男上車搞搞震，亦有唔少由專業男優色誘素人女優上車嘅題材。而魔鏡一號呢個概念如此創新同刺激，令呢個系列嘅作品相當受歡迎，連男優之王加藤鷹都表示自己係忠實粉絲添！魔鏡一號系列人氣愈嚟愈勁，連日本藝能界都對呢架車震專車趨之若鶩，唔少綜藝節目都多番報道，早前電視節目《讓你勝利！》就喺魔鏡一號進行拍攝，可見佢已經唔係一架用嚟車震嘅工具咁簡單喇。
不過喺2011年3月11日，亦即係311大地震嘅時候，魔鏡一號幾乎搞到樂極生悲！當時正值大地震，車廂內嘅男女演員投入激戰當中未有發覺，後來至知發生大地震，立即着番衫走人，點知車門開極都開唔到，頓時求助無門，幸好最後所有工作人員同演員都冇事，算係不幸中之大幸。
講咗咁多有關魔鏡一號嘅歷史同事迹，大家係咪好想坐上魔鏡一號觀摩一番呢？機會唔係冇，因為SOD作風一向都好親民，經常都會將架車駛到公開場合，等大家可以上車參觀，而喺上年嘅Japan Adult Expo，魔鏡一號由現任社長野本義明嘅指示之下，駛到新宿街頭畀大家參觀添！
提到野本義明呢位開明派社長，自從佢上任以來一直都為AV迷造福，亦為SOD廠內帶來連番新氣象，最近佢又有新搞作，就係為慶祝魔鏡一號系列推出20周年而將佢變成一架1：12嘅玩具車，售價17,407日圓，約1,235港元，等大家可以將佢買返屋企，再用公仔模擬番魔鏡一號系列出現過嘅激戰場面，係咪好過癮先？
撰文：賢