男人唔淨只睇裸女，有時着番件衫一點不露都好Like，咁當然嗰件要係比堅尼啦！夏天又到喇，去沙灘係例行公事，之但係又怕曬又怕熱，最怕係唔夠多女嘅話，咁你不如睇吓《Bikini Plus》止痕先啦！先旨聲明，《Bikini Plus》絕對唔係鹹書，掹車邊可以話係男性雜誌，當然女人都會睇，皆因內容除咗睇性感到冇朋友嘅比堅尼索妹外，亦可以話係比堅尼最新最齊Catalogue，一書睇晒多個品牌最火辣新款，仲有真人示範，真係正呀！佢係月刊，內容廢話都唔多句，一嚟就大大張寫真任觀賞，推出多年都深受男人追捧，每輯寫真由不同攝影大師操刀，你知啦，唔同男人影出嚟，即使同一件女都有不同性感，更何況每期起碼有一打新女登場呢！仲有噃，得閒無事都會炮製乜乜特別號，真係睇少眼都會錯過！