春宮圖同房中術呢啲名詞我哋就聽得多，只係秘戲又係乜嘢嚟呢？秘戲全名叫秘戲圖，亦即係春宮圖咁解，故此秘戲圖唔單止係鹹濕畫作咁簡單，仲肩負起性教育嘅作用。不過以為秘戲圖或春宮圖嘅用途，只係僅此而已嘅話，咁就大錯特錯，想更深入地了解呢啲畫作嘅文化意義，呢本由樊雄所著嘅《中國古代房中秘戲文化》可幫到大家。作者從秘戲圖出發，縱覽古時嘅中國雖然有道「食、色，性也」，但係同時又稱「萬惡淫為首」，色慾就好似禁忌般被禁止宣之於口，而性愛更係私密之事，兩性間嘅鴻溝更係絕對唔可以逾越，因此先至有「男女授受不親」嘅講法，以致古時嘅人甚至將大嫂跌咗落河，究竟要唔要伸手救佢，都可以成為一個道德辯論嘅題目。