擺明玩爆萌

萌嘅定義係乜？日本成人遊戲迷話畀大家知，最緊要就係嗰陣蘿莉味！如果大家鍾意蘿莉系嘅萌，咁呢隻由日本十八禁遊戲公司KAI推出嘅新作《魔女與劍與千之月》，必定令大家體驗到蘿莉系所帶嚟嘅萌味。大家有留意開KAI嘅作品，就會發現呢部新作同之前嘅舊作《PENDULUM》當中嘅角色一模一樣，事實上，佢係《PENDULUM》嘅後續作品，而《PENDULUM》則係喺2010年9月推出嘅《WALPURGIS》續集。換言之，《魔女與劍與千之月》其實係《WALPURGIS》系列嘅第3集！

講完歷史，究竟佢嘅故事講乜呢？時間背景發生喺《PENDULUM》之後，自Circulars嘅餘黨被肅清後，世界表面上回復和平，某天一位純白嘅Circulars突然化身成黑色惡魔，而呢種充滿破壞欲嘅惡魔稱為「EvilLized」。隨住魔化事件幾何級數增加，Magus Order授命到前線跟EvilLized戰鬥，可惜一直處於下風。呢個時候女主角渡瀬卻因魔力過強，不但進化成Circulars，更有機會進化成EvilLized，於是天王寺沙耶香決定將佢變成戰鬥人偶，然後一齊投身到極之慘烈嘅戰鬥中。

開發商：KAI