今日你吹爆咗未？吹乜？咪就係由兩位四仔脫星組成嘅「Team BJ」囉！早前美國Super Bowl愛國者隊捧走超級碗，於是兩位脫星守承諾找數幫Followers逐一吹爆。細佬當然勁「葡萄」啦，之但係睇完近日男優一篇訪問後，個心當堂舒服晒！
先同大家溫故知新！被喻為史上最癲Super Bowl未開波前，「Team BJ」兩位成員，即係美國脫星Lauren Phillips及Carmen Valentina喺網上向全球開盤，只要新英格蘭愛國者砌低亞特蘭大獵鷹，就無條件免費幫佢哋二人嘅社交網Followers吹爆一鑊，唔知係咪當晚球員收到料，竟然喺落後10分劣勢下，先追平手，再喺加時以34比28創造大奇迹，捧走超級碗，相信兩位辣妹都估唔到囉！
好喇，件事過咗成個月，兩位脫星終於找數，早前嚟個「全球大吹奏」，吹唔係問題，問題係兩件囡囡嘅社交網加埋有50萬個Followers，若然呢班人全部飛晒去拉斯維加斯，莫講話兩位衰妹吹到爆肺都未吹得晒，亦唔會有場地安置到咁多支棍啦！
咁當然發起人都唔係蠢嘅，雖然話費用全免，無條件吹爆啫，但其實有一定守則要跟，首先閣下要係佢哋嘅Followers，其次喺開波前喺社交網留言撐「愛國者」咁先有資格，未完噃，你仲要先去佢哋嘅社交網登記「中獎」，收到電郵回覆確定後，要自掏荷包飛去美國拉斯維加斯，仲要提供最新一份驗身報告，證實個人健康冇問題，先可以入場（口架）！而入場後都未除得褲，因為事前你要簽一份「模特兒合同」，以示你今次係以「汁男」身份出席，最後亦係最重要嘅，現場會有好多部攝影機，全程影住閣下嘅「英姿」，事後會製作成DVD全球發售，而閣下係一蚊都冇得收嘅，係咪值得自己衡量。但細佬好肯定，即使真係要吹爆50萬人，Lauren Phillips及Carmen Valentina都係大贏家，事關消息一出，巴西、德國、希臘、泰國、法國、克羅地亞、墨西哥、羅馬尼亞、比利時、印度尼西亞、智利、秘魯、哥倫比亞及尼加拉瓜等國家都瘋狂報道，鹹書鹹網更加唔使講，連英國《太陽報》嘅標題都用「令人興奮」嚟形容呢單新聞，真係賺晒人氣，仲有找數前兩位當事人孖住喺美國夜場巡迴做騷，唔怪得呢兩個月唔見佢哋有新四仔推出啦！
脫星免費吹爆，人生有幾何呀？所以細佬「葡萄」係合情合理。但近日美國八卦網站「Cracked」嚟個反高潮，訪問業界多位脫星及男優Lance Hart有關床戰中痛苦一面，囡囡爆辛酸大家睇得多，但男優都話苦？真係聞所未聞。Lance Hart話被囡囡吹奏絕對唔係享受，相反係最痛苦，皆因四仔嘅目的係要令觀眾興奮，大部分時間脫星都係手口並用奮力吹奏，愈激情就顯得愈好戲，結果好多時用力過猛，容易令男優出現不同程度受傷，最嚴重當然係折斷啦！所以好多男優最擔心搵食架生受傷，每次埋位都膽戰心驚！其次玩騎乘位時，囡囡為求喺鏡頭前盡量突出臀部，將條腰拗到勁前，好似「S」形咁，其實呢個時候男優驚到雀仔軟，為咗搵食先頂硬上咋！有人會話只得一個男優講冇乜說服力，咁你就太天真喇！細佬夠膽講句Lance Hart先有資格講吹奏，事關佢入行以來都係玩「兩味」嘅，真係「吹爆人者，人亦吹之」，男神James Deen都未夠班呀！
撰文：祖