性生活係人生重要嘅一環，但同性愛及生活有關嘅詞彙，唔少人只係識Sex Life （性生活）呢個詞語。其實同Life及生活有關嘅俚語有好多，今次精挑細選咗幾個有趣嘅用法，同各位分享一下。
「Life Preserver」嘅中文意思即救生圈咁解，而喺英文俚語中，佢真係同救生圈有關，皆因佢係指避孕套咁解。點解避孕套會同救生圈拉上關係？如果唔用佢嘅話，一個唔覺意「搞出人命」，到時真係想死都唔掂，你話有咗佢係咪安全好多先？事實上，除咗「Life Preserver」外，英文俚語中嘅「Life Jacket」同「Life Saver」呢兩個救生衣嘅英文，都可解作避孕套。提起避孕套，大家都知呢種膠笠極具彈性，只係各位又知唔知佢可以裝到幾多液體呢？答案係3.8公升！換言之，除非男士每次嘅發射量多過兩支大膠樽裝可樂，否則按道理佢係裝得晒啲白汁。
雖然唔少人識得「Sex Life」呢個詞語，但係關於性生活嘅冷知識，卻唔係好多人知曉。好似喺性生活中，男士總希望自己嘅持久度愈長愈好，但原來女士卻唔係咁睇，時間並非高潮嘅重要因素。美國賓夕凡尼亞大學曾進行研究，發現最恰當嘅性愛時間係13分鐘。如果超過20分鐘嘅話，就會令人產生倦怠感，若然少於5分鐘嘅話，卻又會令女士覺得唔夠喉。另外，網上流傳男士會有精子枯竭嘅一日，只係現實又係咪咁呢？雖然女性自出世開始，就攜帶咗一生嘅卵子，但男人其實會不斷製造精子，不過男性35歲後，精子嘅活動和活躍程度會有所減低。
邊個話美國四仔嘅劇情只係識一味咿咿哦哦亂咁叫床？查實有唔少精彩四仔既有鹽花又有劇情，好似呢套喺2014年8月由Dream Zone Entertainment製作嘅《My Sinful Life》係一個好例子。作品由著名四仔導演Barrett Blade執導，並由Romi Rain及Riley Reid兩大天后級脫星擔綱演出，不但喺當年深受四仔迷激讚，更喺2016年AVN頒獎禮中獲得最佳劇情四仔嘅提名，足見古仔有幾精彩。故事講述Romi Rain飾演嘅搖滾樂隊女主音Roxanne，細個時偷嘗禁果，因此愛上不道德嘅性愛。其後被Riley Reid飾演嘅Angel得悉真相後，竟要求同Roxanne一齊分享充滿邪惡嘅性生活。自此以後，呢對淫蕩二人組開展咗一連串淫亂無比嘅計劃。
大多數日本AV女優都有自己嘅經理人公司，而「Life Promotion」可說是相當有特色嘅一員。呢間坐落東京六本木嘅AV女優經理人公司，社長田中千晶不但係位女性，公司絕大多數嘅工作人員亦係女性，仲自設攝影室包攬攝影、AV製作、舉辦攝影會等工作。至於旗下嘅AV女優更人才濟濟，除咗有呢期人氣極高嘅熟女系女優並木塔子外，仲有榮川乃亞、大原鈴、霧島櫻，以及絕對唔可以唔提嘅王牌桃乃木香奈！呢位1996年12月24日於東京出生，並喺2015年10月出道嘅AV女優，不但屬於AV女團「惠比壽★麝香葡萄」一員，更喺最新一屆Sky PerfecTV成人放送大賞中，擊敗三上悠亞獲得新人女優賞！
撰文：魂