做運動有益身心，原來有一種運動仲可以幫助提升床上快感。男人最痛，相信都係同小弟弟有關，早前有一位男士就經歷咗呢種無比痛楚。最近英國有個同男女房事有關嘅調查，一陣就睇吓當地男女嘅床上統計啦！
放假期間，小弟幾乎每日都不停口咁食食食，結果假期過後成個人肥咗一個碼。為咗保持吸引力，以及鍛煉良好體魄，惟有勤做運動，除咗跑步之外，仲有做「絕倫深蹲」動作鍛煉大腿肌肉同恥尾肌，咪睇小呢個動作，連日本AV男優田淵正浩都日日做o架！而最近英國報紙《Daily Star》亦有文章講述另一項可以鍛煉恥尾肌嘅運動，就係吊環喇！文中提及到男女可以試吓雙手緊握吊環，然後嚟個「引腿上升」，將膝頭提升到同心口呈九十角度，每日做十幾至二十吓就可以鍛煉臂力以及恥尾肌，喺進行床戰嘅時候就感受到更強烈嘅快感，仲可以令男人勃起力更強！但係吊環唔係咁容易可以玩到，點算呢？其實用一張有扶手嘅櫈代替亦得，先用雙手撐起個身離開坐位，然後做提腿動作，一樣可以達到效果。
男士們胯下嘅好兄弟有好多匿稱，例如何B仔等，亦有人用食物嚟形容，好似海參、青瓜、節瓜、香蕉等等，不過點都好，如果小弟弟變成茄子咁就唔多好喇！早前外國有一名叫Bobby Box嘅男人就嘗過呢種痛苦經歷。話說呢位仁兄同女伴進行大戰時，嘗試玩背面騎乘位，點知女伴動作太過激烈，唔小心整襯佢嘅小弟弟，初時佢感到一陣刺痛，之後就出現紅腫，Bobby冇即刻去醫院，一直忍痛忍到第二朝，結果咪出事囉！翌日起身後佢就發現小弟弟變成深紫色好似一條茄子咁，連乾坤袋都黑埋，真係陰功！好彩Bobby經診治以及禁慾三星期之後，已經康復，只係小弟弟有少少偏右而已，所以奉勸大家進行床戰時要小心啲，否則樂極生悲。
近年有唔少調查顯示好多本地夫婦都缺乏性趣，唔多願意上床，就算行房次數正常，質素亦唔理想，如果可以學吓英國人就好啦！早前有團體進行一項調查，以了解英國男女嘅上床次數，調查結果顯示英國人喺一生人中平均用咗2,808小時，亦即係117日做愛，佔平均人口壽命嘅0.45%。至於英國人一生人中嘅做愛次數呢？平均為5,778次，呢個次數算唔算多呢？調查負責人話就當一個人由16歲開始上床，一直做到60歲嚟計算，英國人平均每日上床約2.7次，嘩！一日做一次已經唔容易，仲要一日做兩次以上，睇嚟佢哋都幾性福喎！香港人真係要喺呢方面好好學習喇！
撰文：賢