早兩晚應朋友之邀上網台，談論的話題是「鴨」。事實上，入行這些年，我接觸的鴨不多，真身見面，就僅僅是那兩三次。「哎，我哋都係上網搵吓料、問吓朋友o架咋，你上嚟啦，傾吓啦！」於是當晚便上去跟他們聊聊。兩位主持人搜羅了一些新聞資料，例如那一年一隻中國鴨被幾個富婆灌春藥致死、那一年泰國鴨進襲旺角、佐敦，又淺水灣曾經有一家高級鴨店云云。「不如你又講吓你見過啲咩鴨，或者聽過咩關於鴨的故事吖？」
首先，上節目前，我已經知道同事A早幾天跟幾位骨場囡囡蒲過一家開在旺區的泰國鴨吧，裏面的裝潢、服務一如普通酒吧，要鴨的話，問經理好了，他會作出安排，500元可以坐2、3個小時，「鴨的質素點？如果有下文，即係同隻鴨上床又點計？」主持人急着問，「間場嘅泰鴨都係廿幾歲左右，唔會超過30歲，雖然唔係好英俊，但身形好，企理整潔，係見得人嘅。至於出街收費，我同事班囡囡朋友一向只玩Feel，現場最多攬攬錫錫，無下場，所以上床收費都只係打聽，約3,000元起跳。」主持人聽到驚訝的說，原來鴨仔，比囡囡更值錢！