細個乜都唔識，所以唔識驚，但係人愈大就愈擔驚受怕，好似囡囡不但擔心搵唔到食，佢哋最驚就係畀人綁架同勒索。台灣一間小食店有小姐陪酒，仲會玩到剝衫咁癲，難怪吸引唔少男人幫襯。而日本有間美容院為咗增加生意，竟然提供色情服務。
大家都知囡囡有好多嘢要驚，驚啲客唔畀錢、遇着變態客、驚畀人打劫、驚畀人放蛇等，而內地囡囡仲要驚多一樣嘢，就係驚畀人擄走兼勒索。話說早前北京一位化名張麗嘅應召女郎收到個電話，約佢到一間酒店提供色情按摩服務。點知佢去到酒店房後卻冇人應門，當佢離開酒店時，突然有一輛私家車停喺佢面前，車上3名壯漢落車，然後夾硬將佢拉上車，對方逼張女拎出銀行提款卡及密碼，由於張女嘅存款只有1,400人民幣，對方唔滿意，於是再逼張女打電話畀丈夫轉帳6,600人民幣到戶口才將佢放走。事後張女報警，冇幾耐呢班人被捕，其中犯案人張某供稱，佢哋以為賣淫女怕事會唔敢報警，殊不知最後仍難逃法網。
早前台灣桃園區嘅警方接獲民眾舉報，指當地一間小食店有未成年少女陪酒，並且提供半套色情服務。據講呢間小食店早就已經艷名遠播，除咗提供小食同酒精飲品外，仲有小姐陪酒，玩法係以猜枚方式，陪酒小姐輸咗就要剝衫。如果玩家肯畀1,000台幣（約250港元）嘅話，就可以享受特別服務。如此大膽嘅玩法，有關方面梗係做嘢啦，佢哋喺凌晨採取突擊行動，雖然喺現場未有發現陪酒小姐剝衫，但卻查獲兩名未成年少女陪酒。據當地警方表示，呢兩名少女分別係初中生同高中生，至於小食店嘅負責人以違反兒童及少年性交易防治條例移送法辦。
日本經營風俗店係合法，只要安分地唔提供「本番」服務，名副其實攞正牌做生意，之但係有人仍甘願冒險無牌經營風俗店，更提供「本番」服務。話說大阪警方早前查封一間位於東淀川區東中島一間叫「Bebe」嘅香薰美容院，本嚟呢間美容院係做正經美容生意，後來生意愈嚟愈差，於是轉型提供色情服務，玩家不但可以指定囡囡服務，仲可以享受手口並用嘅玩法，收費由30分鐘5,000日圓（約350港元）至90分鐘15,000日圓（約1,050港元）不等，而玩家加多啲錢，更可以玩重頭戲享受真箇銷魂。據講自提供色情服務後，美容院嘅生意相當火旺，玩家以50歲左右嘅中年男士為主，最後被有關方面注意並採取行動，將美容院44歲嘅男負責人逮捕。
撰文：魂