渡海濠情:聖誕禮物花盡心思

話咁快聽日就係平安夜,每年嘅平安夜囡囡們就會好唔得閒,因為要忙住買聖誕禮物,準備送畀至愛!就好似嚟自凱旋桑拿嘅洋洋就話:「每次要我買禮物就頭痛,因為買得太平會失禮人,買得太貴又會好肉赤!」

要睇表現

洋洋話:「我每年聖誕都會親自買聖誕禮物送畀男朋友,當然我只得一個男朋友就好辦,可惜我唔止一個呢!就以今年為例,我就要準備五份咁多,為免東窗事發時尷尬,買禮物時唔可以重複,同時亦要有啲心思,最重要就係要考慮禮物嘅預算啦!至於點樣定位,主要係睇吓佢對我嘅表現好唔好?如果全年都表現一般嘅,咪買平一啲囉!但如果各方面都表現出色嘅,我就會出手闊綽啲囉!好似舊年我就送咗個三千幾蚊嘅名錶畀佢,呢位男朋友收到之後不知幾咁開心,即時攬實我熱吻咗十五分鐘,如果唔係喺大街大巷,一定會將我就地正法,當然除咗睇表現,仲要考慮對方會送番啲乜嘢禮物畀我,好似送錶嘅男朋友,舊年就送咗個三萬多嘅名牌手袋畀我做禮物!」

知恩圖報

咁你咪好着數?洋洋話:「我做女朋友嘅唔着數,搵佢做男朋友嚟做乜?至於其他男朋友,我一般都會買啲幾百蚊左右嘅小禮物,而佢哋就會送番千零兩千蚊嘅小飾物畀我,計落我梗係有着數啦!要蝕嘅鬼做佢女朋友,但我咁醒都中過招,記得舊年就有個做設計師嘅男友,估佢最少都送幾千蚊嘅禮物,所以我送咗佢八百蚊嘅古龍水套裝,點知條友仔竟然自己畫張聖誕卡畀我就算,呢鋪真係蝕到入肉,揼咗幾晚心口,到情人節以為佢會知恩圖報,點知佢竟然只送束花就算,真係冇得救啦!咁孤寒嘅男人,即時將佢一腳踢走,好在全年計落失手嘅機會都係較少,所以拉上補下都係賺嘅居多,但大家買禮物時真係要小心謹慎,除咗睇表現,仲要睇埋佢荷包有幾鬆動呀!」

洋洋Profile  

年齡:21歲

三圍:35-24-34

撰文:小德 

攝影:阿俊