人總會為自己嘅錯誤、缺點搵藉口，例如工作多年依然做緊低下層，就會話係老闆唔識貨；當睇完今日為大家介紹呢位水着新寵兒長澤遙香，日後畀人捉到睇鹹網睇鹹書，有可能會話自己唔係鹹濕，而係「健康地好色」！點解？就等遙香解釋畀大家知啦。
日本水着界巨乳女優當道，但係唔代表條路畀佢哋獨霸，其實好多日本男人都棄巨取微，原因係微乳女優偏向纖巧而可愛，更重要嘅係令佢哋回憶起青春時期遇到嘅後生美少女；而巨乳則勾起每日對住個婚後發福嘅黃面婆。乜原來各位香港男士都係咁諗？都想好似日本男人咁以微乳清新一下自己嘅眼睛，暫時忘記家中胖妻咩？哦！咁樣長澤遙香就絕對適合大家喇。遙香妹今年剛夠18歲，清新嫩口兼且稚氣未消，唇紅齒白，笑起上嚟散發出濃郁嘅青春光芒，青春，真可愛青春！遙香嘅身材好似其面孔一樣咁青春，我嘅意思除咗係指肌膚鮮嫩雪白，纖巧帶點骨感之外，上圍仲好似未發育一樣，只係屬微乳級別，肉地欠奉，猶幸玉臀挺而飽滿，總算爭回不少分數。
青春俏麗嘅遙香喺15歲就已踏足藝能圈，當時佢畀藝能事務所睇中，挑選為美少女偶像組合「kirapojo」嘅成員，同其餘兩員隊友小宮山繪里香以及菅田音杏一齊四處登台演出。阿妹同隊友喺呢三年以青春活潑嘅形象，以及活力十足嘅歌舞打響名堂，經常獲邀出席大小公開活動，各種祭典、體育活動如摔角比賽都可以見到佢哋嘅蹤影，亦一齊主持網絡電視節目《kirapojo MAX少女心》，曝光率相當高。到今年7月組合就喺累積高度人氣之下宣告解散，隊友各奔前程，而當中就以遙香發展最好。遙香轉以個人發展，挾住青春可愛氣息強攻寫真界，幾隻寫真DVD都備受好評，早前仲有好多網民喺大型網購亞馬遜大讚阿妹夠晒可愛，仲形容佢係「健康地好色」，原因係遙香喺拍寫真DVD嘅時候通常會換上多款色彩艷麗嘅細碼泳裝，雖然泳裝露出度高，但係阿妹流露天真無邪之氣，令作品毫無色情，卻換來健康感覺。
長澤遙香同好多後生女一樣，每日都會多次更新微博發布個人動態，要緊貼遙香嘅最新消息，就唔好忘記留意其微博喇。
網址：https://twitter.com/15x_xrksx
年齡：18歲
身高：5呎3吋
三圍：31-22-32
撰文：賢