好多藝人都迷信改名可以改埋星運，之不過，諗住單靠改名而唔改進自己，就意圖取悅到觀眾呢個諗法實在太天真太幼稚喇！好似日本水着妹繭咁，改個特別嘅名字，再改行特別激烈嘅演出路線，咁至能夠成功闖出一片新天地。
早前從外地娛樂新聞當中，見到小弟嘅夢中女神宮澤里惠公開亮相，睇見佢又殘又瘦嘅面孔同身材，真係令人覺得淒涼，亦同時令我感受到歲月不饒人嘅悲苦。想當初，里惠拍第一本裸體寫真集嘅時候，當中展現出傳統和式美人面孔以及一副雪白婀娜嘅身段，係幾咁誘人幾咁令男人興奮。雖然，里惠嘅美態已不復再，幸好嘅係小弟相信佢一定後繼有人，而繭就可能有資格接棒。25歲嘅繭五官標致，氣質清秀卻不失少女嘅甜美，其烏溜溜嘅眼珠以及長長秀髮仲散發出傳統日本美女嘅秀雅之氣，現時已經好難從以時尚打扮為主嘅水着妹當中，揾到第二個咁有古典美嘅女仔。至於身材，繭呢副靚偈同樣少見，其腰肢幼而帶少許肌肉感，D-Cup上圍以及飽滿玉臀卻又有肉感，雪白嘅肌膚更加令胴體加倍誘人，正呀！
喺2005年出道拍水着寫真嘅繭，原名叫做三井麻由，憑住參加選美活動「Yellow Taxi」並成功奪得冠軍之後就活躍於水着界至今。繭以其傳統日本女性美以及苗條身段成功取悅唔少水着迷，人氣漸漸上揚之下，為佢爭取到唔少演出電視台綜藝節目嘅機會，作品包括《志村妍的笨蛋老爺》、《志村座》等。不過，由於氣勢未能持續，繭嘅工作有一段日子趨向減少，而佢就喺呢個時候改名做藤咲麻由，之後又改名為繭，意思係希望可以好似蝴蝶咁從繭中蛻變。而改名之後，星運的確有好大改變，最重要就係演出更激，拍水着寫真嘅時候愈剝愈多，後來更加索性一脫而盡，大玩三點盡露。咁都未算，今年繭仲同橋本甜歌合演一部情色電影《最近，妹妹須稍微奇怪，不過。》，當中二人上演床戰，有評論仲話繭今次演出嘅激烈程度直逼AV，可見繭的確係諗住豁出去，未來唔知會唔會真係下海做AV女優呢？
年齡：25歲
身高：5呎3吋
三圍：33D-22-33
繭幾乎每日都會好勤力咁將工作概況以及生活點滴，於個人博客發布，要緊貼繭嘅最新狀況真係話咁易。
網址：http://ameblo.jp/mayu-official/
撰文：賢