渡海濠情:醉酒惹禍 朋友撞正

台灣警方掃黃,發現色情按摩店內竟有同僚喺房間呼呼大睡,點知一拉出嚟按摩店老闆娘仲叫呢位同僚做老公,呢鋪真係水洗都唔清,嚟自凱旋桑拿嘅小美就話:「我記得有一次畀男友撞正,一樣水洗都唔清!」

大被同眠

小美話:「我喜歡成班朋友去夜店玩,一來有個照應,二來人多啲氣氛熱鬧啲,話說有一次朋友生日,於是咪又大班人去玩囉!咁啱男朋友唔得閒,於是我一支公去,心諗冇佢喺身邊可以玩得仲放啲,點知真係太放,嗰晚不知飲咗幾多酒,半路中途已經斷晒片,好在我班姊妹一路睇住我,但就係阻止唔到我繼續飲,最後不支倒地,由於怕飲醉返屋企會畀男朋友教訓,於是早就講好嗰晚如果醉咗,就去我姊妹屋企瞓,但我姊妹嗰晚,一共收留咗四、五個人咁多,我哋全部瞓晒喺大廳,佢同男朋友當然入房瞓啦!第二日啲人陸續起身走人,走剩我同一個朋友介紹嘅朋友瞓咗喺度,呢個時候男朋友見我成晚冇返,於是上嚟我姊妹屋企搵人,點知我姊妹一開門,就知道大鑊啦!」

不省人事

後嚟點呀?係咪六國大封相呀?小美話:「我男朋友一推門入嚟,就見到我同個男人瞓咗喺度,真係撞得正正都冇咁正,我姊妹見到正想解釋,我男友已經將我搖醒,當時第一眼見到佢仲鬼咁開心,正想抱住佢咀番啖,點知佢指指我身體,我低頭一望,衣衫不見只着住胸圍底褲,男友再指指我身旁嘅男人,我即時知道大鑊啦!我諗今次跳落黃河水洗都唔清,於是連忙一邊着衫一邊解釋,點知男朋友叫我唔使解釋,跟手把男人嘅被拉開,發現佢衣服整齊,身旁仲有一攤嘔吐物,證明佢醉得比我厲害,因此亦證明我哋兩個冇酒後亂性,之後咪跟佢返屋企囉!為咗消除佢嘅怒氣,我當然要施展渾身解數啦!好彩我男友既精明又冷靜,否則呢鋪撞到正,真係水洗都唔清呀!」

小美Profile

年齡:20歲

三圍:33-24-34

撰文:小德

攝影:阿昌