香港人嘅快樂指數長期處於低水平，原來同生活壓力、工作壓力太大有關，不過性伴唔夠多亦可能係原因之一，皆因早前美國有一個調查發現，性伴多的確可以令人生活得更愉快。呢個調查由紐約大學和康奈爾大學聯合進行，請來約400名大學生協助，研究有關性生活同情緒嘅關係。呢批大學生當中有40%表示自己除咗會同固定伴侶發生性行為，閒時亦試過溝仔溝女並且發生關係，而佢哋嘅快樂指數比只同固定伴侶上床嘅學生為高。另一方面，研究亦顯示學生每次「偷食」之後個人會醒神啲，壓力都會減低喎。之不過，有份負責研究嘅Zhana Vrangalova博士就表示，呢個調查結果並唔係鼓吹大家濫交，所以千祈唔好為咗自己嘅快樂而亂搞男女關係。