男人熱愛體育亦同樣熱中睇肉，為應佢哋嘅要求，不論係演員定係AV女優，最好都係有番咁上下肉地，之不過有肉得嚟又唔可以肥膩咁先至掂，而太田千晶就係當中嘅典範喇！
去街市買餸有時都會遇上呃秤，而喺日本水着界同樣會見到呃秤之事，因為唔少女優話就話自己條腰23吋咁幼，但係以經驗人士包括小弟目測估計，佢條腰明明粗到好似水桶咁，又點可能咁幼呢？好似太田千晶咁如實報數，話明自己條腰有成26吋咁粗就老實得多嘞。然而，腰粗唔代表肉酸，皆因千晶全身都咁多肉，誘人嘅肉感更成為其一大賣點。今年29歲嘅千晶五官標致，帶點冷艷嘅同時又有幾分嬌美，配上點點成熟女人味，氣質煞是誘人，迷倒萬千男兒絕對冇難度。而千晶迷人嘅地方仲有豐滿身材，阿妹嘅三圍數字係36-26-37，由於腰圍同胸圍及坐圍相差俱有10吋以上，望上去不失婀娜曲線美，加上肉地結實有彈性，絕不會感覺肥膩。
數數手指，太田千晶出道拍水着寫真已有12年歷史，而佢係參加2002年嘅全國女子高中生制服收藏比賽而出道，雖然喺該比賽輸咗畀紗榮子，但係就執到個「7up！Baby獎」，千晶就係憑此初步爭取到名聲同人氣。之不過，呢個獎幫唔到千晶幾多，出道三年以來工作都唔係好多，最後搞到心灰意冷，喺2005年宣告引退。千晶自問擁有天使面孔同魔鬼身材，就咁離開又真係好可惜，所以引退兩年後又出嚟做水着妹，同時仲涉足車模界搵食。又果然皇天不負有心人，復出嘅千晶人氣火速上升，近幾年仲有機會參演電視劇，例如《美人偵探M》以及《町醫者》等。而人氣上升更令千晶戰鬥力激增，唔單只喺寫真DVD當中大玩自摸等激情動作，上年年尾喺一個比堅尼洗車比賽中，更加憑放蕩又投入嘅演出而成功擊敗當紅偶像壇蜜，認真威威！
太田千晶會喺自己嘅微博發布最新動向以及自拍性感照，勤力啲Click上去睇一定令你大飽眼福。
網址：https://twitter.com/ohtachiaki
年齡：29歲
身高：5呎4吋
三圍：36E-26-37
撰文：賢