隨住內地改革開放，近年除咗香港人，日本AV女優一樣咁鍾意到內地掘金，好似蒼井空、瀧澤蘿拉同波多野結衣等就係好例子。最近，一大班AV女優更為一件內地盛事而來，咩咁巴閉？就係亞洲最大型嘅成人展──上海國際成人展囉！
近年大中華地區嘅人民都富有咗，正所謂衣食足而知榮辱，同時仲知道如何享受人生。大家除咗努力提升生活素質，對於閨房之樂亦相當注重。了解到大家嘅需要，呢幾年大中華地區就出現唔少成人展，主打推廣成人娛樂，好似澳門就有亞洲成人展，廣州亦有廣州成人展，至於號稱亞洲最大型嘅上海國際成人展近日已圓滿落幕。4月11日開始，為期三日嘅上海國際成人展，第一日就已經錄得超過二萬人次入場，人數之多簡直係逼爆舉辦地點上海國際展覧中心。展覽當中，來自世界各地嘅安全套、情趣用品、潤滑劑，甚至係改善性功能產品品牌都到場擺攤宣傳同促銷，入場人士可以話睇到目不暇給兼夾大破慳囊。
現場除咗一系列成人用品吸引，男士亦為一班到場表演嘅極品美人而大呼過癮，因為呢班唔係普通人，而係來自日本AV界嘅頂級女優。本屆上海國際成人展邀請到嘅女優分量十足，包括有身懷J-Cup爆乳嘅超人氣AV女王Julia、剛剛拎完SkyPerfecTV成人放送大賞最優秀新人獎嘅G奶美人妻白石茉莉奈，仲有葵司、森菜菜子、北川瞳、北川愛莉香以及江波亮等等，每個都係獨當一面而且絕大部分都係爆乳尤物。女優們除咗到場推銷矽膠製男士自慰器，仲會開辦攝影會以及換上火辣衣着於舞台行貓步秀。由於佢哋身材超勁，每次出場都搞到場內男士驚呼狂叫，特別係是屆重點女優Julia向大家拋眉眼兼拋胸，令氣氛極之熱烈。
撰文：賢