1968至1988年美國究竟發生咩事，足以令作者出本書去回顧？之唔係美國成人產業最輝煌時期囉！據講呢段時間雖然未有互聯網，但美國四仔產量如雨後春筍，各州都有男女脫星瞓身製作四仔，周邊產業如四仔銷售店、色情影院、性玩具店人人搵到食，遠至亞洲四仔迷都飲佢哋奶水大，真係可以講句，你肯剝就有得分呀！
可惜今日呢種風光已變晒上網，四仔迷習慣篤篤吓睇四仔買玩具，想親身去鹹濕戲院緬懷吓都未必有機會。而細佬今日推介呢本書叫《The XXX Filmography 1968-1988》，作者Jason S. Martinko自稱經歷過美國色情業最光輝一刻，今次出書唔會長篇大論、吟吟沉沉講高低興衰，而係用26個英文字母，由A至Z逐個英文字最具代表性去回顧，作者更走訪多位極具分量嘅四仔製作人、導演、攝影師及演員攞料，論盡歷史，本書可謂一本性典大全。
書名：《The XXX Filmography 1968-1988》
售價：約HK$672
撰文：祖