正所謂瘦田無人耕，耕開有人爭，日本最具代表性嘅AV頒獎典禮Sky PerfecTV!成人放送大賞圓滿結束，有唔少AV選舉相繼出現，好似最近就有一個名為Amazon Adult DVD Grand Prix嘅投票活動。不過，點都好，百花齊放總好過一枝獨秀！
如果大家想睇日本AV，可以從本地一間收費電視購買頻道收睇，價錢相宜。至於想買隻實體AV碟嚟欣賞兼珍藏，可以幫襯日本知名嘅AV銷售網DMM，又或者可以從國際知名嘅網購網站Amazon入手。該網站嘅業務包羅萬有，售賣AV碟係佢哋嘅業務之一，為好多海外AV迷服務。可能因為佢見到DMM搞咗個AV選舉DMM Adult Award，所以亦不甘後人，最近搞咗個Amazon Adult DVD Grand Prix（下稱AADGP），公開畀大家作網上投票，只要喺4月1日前登入http://www.amazon.co.jp/gp/feature.html?ie=UTF8&docId=3077878526申請成為會員之後，就可以投票選出「進入殿堂女優」、「注目女優」以及「最佳男優」。
AADGP呢三個獎項嘅候選名單，全部都係根據近7年作品銷售最佳嘅女優及男優而得出，就以「進入殿堂女優」為例，候選名單包括明日花綺羅、麻美由真、吉澤明步、小向美奈子、蒼井空等10位女優，個個都大有來頭，亞洲地區嘅AV迷個個都識佢哋，實力毋庸置疑。至於「注目女優」方面，候選人包括有橘梨紗、白石茉莉奈以及宇都宮紫苑等，都係近年成績優異兼具話題性嘅女優，一時之間真係幾難做出決定。有人就表示DMM搞嘅選舉好可能基於佢嘅背景係北都集團，故此選出嚟嘅各個獎項得主，有可能會偏重於北都集團旗下AV廠嘅專屬女優，故此造成不公平賽果，可信性同公信力備受質疑。之不過，AADGP就唔同，因為佢性質中立，所以冇偏私之嫌。
撰文：賢