細細個小弟成日都想食辣味食物，阿媽每次都話：「等你大個先食啦！唔係你頂唔順！」到長大後就發覺除咗可以承受辣度，仲可以醞釀出火辣感覺，就好似愈大愈索嘅中島早貴咁。早貴妹好細個就已經踏足藝能界做童星，11歲就參加可愛少女團體「℃-ute」活躍於藝能界。隨年月增長，早貴妹愈來愈靚女，身材雖然唔算豐滿，但亦婀娜夾鮮嫩，配埋佢本身嘅秀麗面孔，認真嗒得杯落。今年2月5日就係阿妹20歲嘅生日，為慶祝長大成人，早貴就特別推出寫真集《N20》，阿妹會換上三點式上陣，展現自己幾咁青春無敵，另外仲會做出好多誘人動作，配合優美胴體製造出濃郁辣度，睇到你體溫急升呀！