反正北上也沒甚麼好做、沒甚麼好拍了，於是最近我們多了時間留在香港做點事情，卻發現來來去去都是那幾種舊玩意，「呢幾年本地夜場生意都殘晒啦，你太揚畀人掃，太低調做做吓又難免會走下坡，加上之前太多人選擇返上去玩，你哋依家返轉頭都唔係一時三刻就起得番，總之就難搞啦！」同事告訴我，要看的話，這個下午就跟我走一走灣仔的鳳樓，原因是一樓一的生意一向都比較穩定，「鳳樓班客都係貪快、貪就手，唔會趕喉趕命走上走落嘅。」
我們抵達這幢舊樓，目標是高層一個姐姐，開門，這位女郎比我想像中漂亮，她三十開來，個子小小的，也算走肥，雖然不能說是極品，但風韻猶存倒是真的，同事說，她就是今次的受訪對象A了，問她最近生意如何，可有得益於這一場性都風暴？她搖搖頭，「唔覺得有喎，新年之後仲靜咗一輪，到依家先好番少少，不過業主一過完年就通知我要加租，都唔知係咪以為我哋好好搵。」A說，她暫時沒有回應業主，「我就唔敢加價嘞，樓上樓下咁多女，我加人哋唔加，咪死？」說到底，大家最後還是給業主打工。
撰文：黃韋龍