近年南邊省份跑出唔少一級模特兒，佢哋無論身材樣貌，一啲都唔輸蝕畀東北姑娘，才藝亦樣樣皆能，嚟自廣西南寧嘅靚女黃婧就係其中一個。
黃婧出道兩年左右，同其他模特兒一樣，都係做網拍開始。黃婧身材有170cm高，以南方女仔嚟講都算係咁，而且樣子討好，最重要就係身材出眾，報稱上圍有34吋D級，所以搵佢拍性感照，絕對合適不過，所以出道冇幾耐，就不斷被攝影師力邀去做私拍模特兒。年紀輕輕嘅黄婧，猶如初生之犢不畏虎，諗都唔諗，毅然應約，於是一輯接一輯嘅性感寫真先後面世，咪睇佢係新人，由於黃婧拍攝時一啲都唔怯場，表情豐富多變，加上超完美嘅身材，所以每一輯嘅私拍照，都深受網友嘅歡迎，舊年更成為龍友互選嘅超級人氣新寵兒。
單係睇黃婧嘅出場費愈嚟愈貴，就知道佢有幾咁受歡迎，除咗同深廣兩地嘅攝影師合作之外，之前更殺上北方，先後喺北京、上海、杭州等地同啲攝影大師合作過，作品出嚟自然更凸顯黃婧嘅身材同個人魅力。有人問佢最想同邊度嘅攝影師合作？阿女認真識講嘢，佢話好想同香港嘅攝影師合作喎！佢話香港攝影師技術高又冇脾氣，對內地嚟嘅模特兒特別客氣，所以佢最欣賞喎！咁識講嘢，前途一定無可限量，由於佢人氣火熱，最近有廣告同推廣公司，已經約佢拍廣告同埋做車模，相信嚟緊全國各大雜誌同車展都會見到黃婧嘅身影。
簡介：黃婧嘅性感寫真，可以話一街都係，但保存得最多最齊嘅，首推以下網站，但記住睇之前攞定紙巾，否則鼻血長流就大件事！
網址：www.moko.cc/xiaojingGiGi
出生地：廣西南寧
三圍：34-24-35
身高：170cm
撰文：龍四海