渡海濠情：遇鹹豬手 絕不姑息
南韓警察廳屬下嘅地鐵警察隊，最近公布犯罪數字，每日最少三宗風化事件，其中佔最多嘅就係偷拍裙底同埋鹹豬手，而嚟自利澳水療嘅偉偉就話，每當乘搭公共交通工具，就會加倍小心保護自己。
太過惹火
上圍擁有36吋嘅偉偉：「我由於身材實在太過惹火，所以一搭親巴士同地鐵，就會有人眼甘甘咁望住我，有啲忍唔住嘅男生就會向我手多多，我舊年就拉咗五、六個鹹豬手上差館，所以為免麻煩，家陣都盡量少搭公共交通工具，但我並唔害怕呢啲事，佢哋一係唔出手，只要一出手，我就實捉住佢哋送官法辦，如果對方即時道歉，我都可能會算數，但如果仲口臭大大聲亂講嘢，我就實唔會放過佢哋，要佢哋為自己所做嘅事付出沉重代價。」
開車接送
充滿正義感嘅偉偉，會唔會諗吓係身材出眾而惹嘅禍呢？偉偉話：「我都有諗過，所以有段時間曾經好唔開心，但後嚟有個姊妹勸我，佢話啲人打劫銀行，就因為銀行有大把錢，係咪銀行以後怕被人打劫，就一分錢都唔放喺度呢？經佢咁樣一講，我即時通晒，佢哋要做鹹豬手，係佢哋自己嘅問題，而且為免其他姊妹受害，我一於見一個拉一個，但亦因為近年拉得太多，所以真係有啲攰，加上有男朋友開車接送，自然再冇呢啲事發生啦！」
偉偉Profile
年齡：22歲
三圍：36-24-35
撰文：小德
攝影：阿德