平時喺香港夜遊，盡興離場，大夥兒少不免去食吓消夜，而個人最常去嘅，一定係「打冷」莫屬，事關食物種類豐富，而且有碗白粥落肚，真係精神百倍，戰鬥力馬上回升，但喺澳門「打冷」嘅地方真係唔多，而且好早就關門，令人乏味，但最近大富豪桑拿斥巨資，請咗個「打冷」師傅駐場，每晚都提供特色食品，唔少客人食過都讚不絕口。其中有味「家鄉滷水鴨」，炮製手法同做滷水鵝嘅一樣，攞出嚟時香噴噴，食時點啲蒜泥醋，味道既香且濃，鴨肉肥瘦均勻，最勁就係師傅控制火候嘅時間啱啱好，鴨肉又鮮又嫩，最怕食鴨肉好似食擦字膠咁樣，但呢味「家鄉滷水鴨」就絕對唔會。更驚喜嘅係，例牌滷水鴨加埋白飯靚湯，成個套餐只需廿五大元，打孖食兩份都只係五十蚊，係咪好鬼物超所值呢？