我雖然唔敢話自己頂天立地，胸懷大志，但係我結婚之後一直堅守住一個信念，就係出去玩嘅時候點都唔會付出真感情，而真感情只會留畀老婆。不過，隨住社會愈來愈開放，我呢一套恐怕已經落伍喇。根據中國婚姻家庭研究會對全國三萬戶家庭作出一連串訪問之後，得出一個令人驚訝又慨嘆嘅結果，因為有40%嘅家庭成員表示，可以容許出軌，佢哋仲認為出軌可以成為夫妻生活當中嘅調味劑，令彼此感情添上姿采喎，聽到之後真係唔知好嬲定好笑。
撰文：小德